Kva skjer?
FJORD//FORSK 2025
Velkomen til FJORD//FORSK 2025 – Forskarseminaret med festivalstemning for deg med hjarte for forsking og kunnskapsformidling om fjordlandskap, verdsarv, natur og miljø!
Lanseringa av FJORD//FORSK markerer verdsarven Vestnorsk fjordlandskap 20 år og har som tema fjordane sin miljøtilstand, utvikling og framtid.
Me byr på interessante og kjekke dagar med godt fagleg innhald, kulturelle innslag, dialog, flotte landskapsopplevingar og nydeleg mat, nye kontaktar og venskap, i Aurland 17.-19. oktober! Her kan du få lære nytt, dele di eiga forsking, delta i spennande diskusjonar og oppleve verdsarven med alle sansar.
FJORD//FORSK er særleg retta mot unge forskarar og studentar*, men etablerte forskarar, forvaltning, næringsliv og lokale innbyggjarar er og velkomne til å melde seg på.
*Vil du dele di eigar forsking? Då kan du ta med ein poster om ditt eiga forskingsprosjekt og få presentere den under postersesjonen.
Program FJORD//FORSK
Fredag 17. oktober
Kl. 18.00 – 19.00 Registrering, snacks og mingletid, på Marianne Bakeri og Kafé
Kl. 19.00 – 23.00 Opningskveld med FORSKAR//PUB og QUIZ
Verdsarvkoordinator Gry Mørk ynskjer velkomen
Film om verdsarvtrainee-ordningen
Opphavet til FJORD//FORSK – bakgrunn og utvikling av konsept v/ verdsarvtraineeane Robert og Sol, og Maiken frå Verdsarvparken
«Berekraftig fjordbading» – innlegg og pop up-shop v/ Synnøve Balabanian / SB Swimwear frå Voss
Servering av Mariannes pizza med økologiske og kortreiste råvarer
FJORD//QUIZ v/ alumninettverket i Vestnorsk fjordlandskap
Laurdag 18. oktober
Kl. 07.00 – 08.30 FJORD//PLASK
Forfriskande morgonbad i Aurlandsfjorden og Fjord sauna, to puljer à 45 min. kl. 07:00 - 08:30. Servering av kaffi på termos på bryggja. NB! Påmelding. Først til mølla!
Kl. 09.00 – 11.00 FJORD//FORSKING – del 1, føredrag på Trudvang Kino
"Hvordan står det til under overflaten? Noen tanker om status og utvikling for miljøtilstanden i Sognefjorden» v/ Marianne Nilsen, førsteamanuensis og marinøkolog, Høgskulen på Vestlandet
“Fjordlandskapet - Eit geologisk meisterverk” v/ Stein Bondevik, professor og kvartærgeolog, Høgskulen på Vestlandet
Kl. 11.00 – 13.30 FJORD//SYN – Lunsj og formidling ute
Turalternativ 1: Guida tur til Dagsturhytta i Aurland. Flott og bratt tur med vakkert utsyn over det mektige landskapet fjordlandskapet i Aurland, der du og får lære om både landskapet si forming og arbeidet med besøksforvaltning i dette området
Turalternativ 2: Guida tur til Rygg, tusenårstaden i Aurland. Kortare og mindre bratt tur enn alt. 1., men fin utsikt. (Meir info om tema kjem.)
Kl. 13.30 – 16.30 FJORD//FORSKING – del 2, på Heradshuset
«Kunnskap for fjordlandskapet»:
Innledende presentasjon av arbeidet med å utvikle, løfte fram og koordinere kunnskap om og for fjordlandskapet. Workshop, paneldebatt og rundeborddiskusjoner om kva vi bør ha fokus på, kva du kan bidra med og korleis me kan løfte fram kunnskapen?
v/ kunnskaps- og forskingskoordinator for Vestnorsk fjordlandskap, Else Ragni Yttredal
Masterpresentasjonar og postersesjon, på Heradshuset
Arkeolog Robert Hetland Lende presenterer sitt masterprosjekt «Clouds above Geiranger. An analysis of nature-culture divides and heritage value.»
Geolog Maiken Minde presenterer sitt masterprosjekt «Rekonstruksjon av Blåskavlen, Aurland, basert på kartlegging og undersøking av innsjøsedimenter».
Postersesjon og mingling – bli kjent med unge forskarar og studentar sine metodar og prosjekt
Kl. 16.30 – 17.30 Eigentid
Kl. 17.30 – 18.15 FJORD//KULTUR
Smakebit frå verdsarvmusikalen «Fjordheimen», i øvingslokalet i AIS
Oppmøte i Aurland Idretts- og Samfunnshus, ved idrettsbana
Kl. 18.15 – 20.00 Middagsbuffet Fretheim hotell
Buss frå Aurland til Flåm - ca. 15 min
Middagsbuffet på Fretheim hotell
Kl. 20.00 – 21.30 Valfri aktivitet
Quiz arrangert av Nynorske litteraturdagar på Fretheim hotell. Max 5 per lag
Besøk Ægir bryggeripub og smak på lokalprodusert drikke
Kl. 22.00 – 23.30 Konsert
Konsert med Frode Grytten Beat Band på Fretheim hotell, arrangert av Nynorske litteraturdagar
Felles transport tilbake til Aurland
Frå venstre: Fjordsauna, Marianne Nilssen, Stein Bondevik, frå Stegastein, Maiken Minde
Sundag 19. oktober
Kl. 09:00 – 11.00 Morgonføredrag og lunsj på Marianne Bakeri & Kafé
Tema: Korleis kan me som individ, verksemder og lokalsamfunn bidra til ein reinare og meir berekraftig bruk av fjorden?
«Miljøpatruljen i Verdsarvparken – verdas beste sommarjobb!» v/ Nærøyfjorden Verdsarvpark
«Ro- og padleruter Sognefjorden – ei grøn fjordsatsing» v/ Torunn Todal Laber, prosjektleiar Sogn Friluftsråd
«Fjordsafari - eit berekraftig opplevingstilbod i fjordlandsskapet»
v/ eigar av Fjordsafari Norway
«Innovative fjordopplevingar i verdas vakraste fjordlandskap» v/ Arve Tokvam, Norway’s best
Lunsj:
Servering av suppe med brød.
Kl. 12:00 - 15:00 FJORD//GLEDE Valfrie opplevingar av verdsarvfjordane
Guida tur med Fjord Safari i RIB. Her får du oppleve vår magiske, spektakulære verdsarv på nært hald og lær om naturen og kulturarven. Turen frå Aurland, inn Nærøyfjorden og til Gudvangen t/r. NB! 24 plassar. Påmelding.
Kajakkpadling på Aurlandsfjorden med Torunn Todal Laber frå Bulder & Brak Opplevingar. Her får du padle på verdsarvfjorden omkransa av høge fjell og kulturarv. Bli med og nyt fjorden SAKTE. NB! 8 plassar. Påmelding.
Med atterhald om endringar
PRAKTISK INFORMASJON
Påmelding til FJORD//FORSK 2025, gjer du her:
Følj lenka under og fyll ut skjemaet for å registrere din deltaking. Det er mogleg å delta på delar av arrangementet.
https://forms.office.com/e/XWsW4MJVtR
Fristen for påmelding er 12. oktober.
Påmelding er bindande, betaling innan påmeldingsfrist. Få tilsendt fakura eller Vipps:
Vipps til #107632 Nærøyfjorden verdsarvpark, merk betaling med FJORD//FORSK og namn.
Deltakaravgift
Fredag 17.: Ordinær kr. 300,-, student 50% rabatt
Laurdag 18.: Ordinær kr. 900,-, student 50 % rabatt
Søndag 19.: Ordinær kr. 600,-, student 50% rabatt
Overnattingstips - for einkvar smak og lommebok:
Fjord Resort (Aurlandsvangen + Flåm)
Wangen Apartments
Aurland Guesthouse
Flåmsbrygga Hotell
Winjum Apartments and Cabins (10 min gange frå Aurlandsvangen)
Winjum Hostel Stegastein (10 min gange frå Aurlandsvangen)
Vangsgaarden Gjestegiveri (Aurlandsvangen)
Airbnb – fleire moglegheiter
I Aurland kan ein booka ulike leiligheiter eller rom, men ofte kostar eit slike overnattingar nesten det same som hotell. Er ein heldig kan gode tilbod dukke opp.
29/2 Aurland (boutiquehotell på Tokvam, 5 min med bil frå Aurlandsvangen)
Flåm Vandrarheim & Camping
Flåm Marina
Fretheim Hotel
Svingen Guesthouse (Flåm)
Gudvangen Camping
Gudvangen Fjord Hotel
Korleis kjem du deg hit?
Bil frå Bergen - 2 timer og 30 min
Bil frå Sogndal - 1 time 15 min
Bil frå Oslo - 4 timer og 30 min
Buss med Vy eller Norway-bussekspress – sjekk entur.no
Tog: Bergensbana-Flåmsbana (togbytte på Myrdal, endestasjon Flåm)
Mat & drikke, inkludert i FJORD//FORSK
Fredag: Snacks og pizza på Marianne Bakeri & Kafé
Laurdag: Kaffe/te, frukt, lunsj, aperitif og middag
Sundag: Kakao og lunsj på Marianne Bakeri & Kafé
Er det noko du lurar på?
Maiken Minde i Nærøyfjorden verdsarvpark
mail: maiken@verdsarvparken.no
tlf: 450 60 131
Nettside:
www.naroyfjorden.no/kva-skjer/fjordforsk
Støtte:
Arrangementet vert gjennomført med støtte frå Riksantikvaren og Miljødirektoratet.
Introduksjon til fotografi av natur og kultur m/Gunnar Bergo
Nærøydalen
Bli med på ein guida tur rundt Stalheim med fotograf Gunnar Bergo og få ein introduksjon til fotografi av natur og kultur i Nærøydalen!
Området rundt Stalheim har i mange år vore nytta til naturfotografering og som motiv i kjende måleri. Stupande fossar, høge fjell og den spektakulære Stalheimskleiva har i lang tid fanga merksemda til fotografar og kunstnarar.
Årets verdsarvtur i Voss herad blir arrangert på Stalheim, der temaet for turen er introduksjon til fotografering av natur og kultur i verdsarvområdet. Frå Stalheim har ein eit vakkert utsyn ned i Nærøydalen, der mellom anna Jordalsnuten har vore utgangspunktet for det kjende måleriet «FraStalheim» av J. C. Dahl. Gunnar Bergo, ein kjend naturfotograf frå området, vil på turen dela tips og triks om korleis ein kan fange stemninga i landskapet.
Turen startar med oppmøte på Stalheim. Me tek turen ned Stalheimskleiva, der me får storslått utsyn over fossane. Turen går innom ulike kjende utsiktspunkt, der me arbeider med fotografering og med korleis ein kan fange magien i Nærøydalen. Me brukar Stalheim hotell som base, der det blir høve til å kjøpe lunsj eller trekke innandørs dersom vêret legg til rette for regntunge og stemningsfulle bilete.
KONTAKTPERSON OG PÅMELDING
Lurer du på noko eller ynskjer du å melda deg sjølv eller fleire på turen?
Ta kontakt med:Maiken Minde –tlf. 45060131
Mail: maiken.minde@verdsarvparken.no
Pris: 300 kr vaksen, 150 kr ungdom
Vipps til #107632 Nærøyfjorden verdsarvpark, merk betaling med namn og tur.
PRAKTISK INFO
Oppmøte: Parkeringa på Stalheim kl. 11
Varigheit: ca. 5 timar inkl. pausar. Middels krevandetur
Ta med: Nistepakke, varm og kald drikke, sitjeunderlag
Skotøy: Tursko, turen går på veg og stiar
Utstyr: Ta med ønskeleg kamerautstyr. Både kamera og mobil er OK.
Berekraftsdagane i Aurland
Du er hjarteleg velkomen til å vere med på Berekraftsdagane i Aurland. Les gjennom programmet og meld deg på det du vil!
Fagsamling: Reiseliv og landbruk
Geiter på Tufto (Magnhild Aspevik)
Korleis skal me lukkast med å driva matproduksjon, og samtidig ta imot besøk av reisande til våre bygder?
Samlinga startar med gardsbesøk på Tufto gard kl 12.00. Her er det geitehold med mjølkeproduksjon og utleigehytter og campingplass. https://tuftogard.no/
Ca klokka 13.00 vert det servering av lunsj og framhald av programmet på Gudvangen Hotell
Desse kjem:
Olav og Liv-Karin Stalheim, bonde og turistvert
Solveig Kvakestad, Steinbergdalen turisthytte og SAKTE - bruk av lokal produsert mat og lokale råvarer frå naturen vår
Stefan Karlstrøm, byggesakshandsamar i Aurland og Lærdal - «Harde fakta» - kva seier lovverket om reiselivsverksemd på landbrukseigedomar
Kjell Bøe Bjørgum - erfaringar og tankar frå ordføraren i reiselivskommunen Aurland
Landbrukssjef Magnhild Aspevik
Håpar du og kjem!
Atterhald om endring i programmet.
Servering av lunsj, kaffi og kaker. Gje beskjed om eventuelle matallergiar.
Påmelding innan 24. august til beate.stolen@laerdal.kommune.no
Kulturarvfestivalen i Indre Vestland
Velkomen til Kulturarvfestivalen 2025!
Gjennom kulturelle møte kan me saman byggja grunnmurar for gode og inkluderande samfunn.
Kulturarvfestivalen i Indre Vestland byr oss oppleving, forståing, kunnskap og erfaring av eit mangfaldig kulturelt grunnlag. Det er nettopp i slike møte me ser styrken i kulturmiljøet. Den gjev oss ein heim med ei open dør.
Her finn du informasjon om små og store arrangement som finn stad i Indre Vestland under Kulturarvfestivalen 2025:
Hjarteleg velkomen skal du vere!
Geologitur til Blåskavlen
Guida tur i fantastisk, spennande landskap med geolog Maiken Minde, som har forska på Blåskavlen!
På turen får du lære om Blåskavlen sin variasjon i storleik dei siste 10 000 åra, kva spor etter breaktivitet vi kan observere i landskapet i dag og korleis me kan nytte naturen til å forske på klima og brear. Minde presenterer resultat frå masteroppgåva si om Blåskavlen i samband med dette og tek oss med til dei lokalitetane der ho har gjort dei mest interessante funna.
Turen er middels krevjande, går 8 km utanom sti i lett kupert terreng, om lag 250 høgdemeter.
PRAKTISK INFO
Parkering/ oppmøte Vetle Andisvatnet, p-plassen på nordsida
Vanskegrad: Middels krevjande
Ta med tursko for variert terreng og kryssing av mindre bekkar
Vindklede og litt ekstra klede
Sitjeunderlag, niste og drikke
Pris Vaksne – Gratis
Born/ungdom – Gratis
PÅMELDING INNAN FREDAG 22. AUGUST!
NB: Begrensa med plassar!
KONTAKTPERSON:
Maiken Minde – tlf. 45060131, mail: maiken@verdsarvparken.no
VIKTIG! DENNE TUREN ER UTSETT! "Frå stølsveg til tursti?" Guida tur i Fresvikåsen - om endringar i bruken av eit landskap
DENNE TUREN ER UTSETT - NY DATO KJEM!
Bli med på tur i flotte Fresvikåsen, strekninga Skard - Lægdaskard - Fysseholten/Trollgislholten!
Fresvikåsen har med sine store natur- og kulturverdiar vore høgt skatta og mykje nytta av busette og drivarar i området gjennom generasjonar.
Området har med tida blitt meir og meir populært som turmål for mange, ikkje minst reisande frå inn- og utland. Endringar i bruk av eit landskap medfører ofte utfordringar for både landskap, dyre- og fugleliv, og for folka i området, og til konfliktar. På turen vil me reflektere rundt desse utfordringane og moglege løysingar. Historia, natur- og kulturverdiane, utviklinga av området til eit turmål, endringar i turområdet i dag, m.m. blir og tema.
Turen startar frå Skard, der me første delen føl ein gamal stølsveg. Me går i jamn stigning gjennom skogen og opp i snaufjellet, til det tradisjonelle turmålet Lægdaskard. Herifrå har me flott utsyn mot Sognefjorden, Fimreiteåsen og dei mektige Hurrungane. Vidare føl me ein fotsti ned til eit anna turmål, den for lengst nedlagde stølen på Fysseholten / Trollgislholten. Her unner me oss ein tur ut på utsiktsplassen over Aurlandsfjorden og fjordmøtet med Sognefjorden. Heimturen går ned gjennom fin furuskog tilbake til Skard.
Guide på turen er biolog Siri Wølneberg Bøthun.
PRAKTISK INFO
Varigheit ca. 5 timar inkl. pausar
Høgdeskilnad ca. 320 m.
Ta med nistepakke, varm og kald drikke, sitjeunderlag
Skotøy Stødige tursko/ fjellsko. Turen går på god sti, men har nokre bratte parti som kan bli glatte i vått vær.
Pris Gratis for alle
PÅMELDINGSFRIST
mandag 16. juni
KONTAKTPERSON
Maiken Minde– tlf. 45060131, mail: maiken.minde@verdsarvparken.no
ARRANGØRAR
Nærøyfjorden Verdsarvpark
Vik Turlag
Sogn Friluftsråd
Korpskonsert på Mjølkeflaten
Lærdal turlag og Lærdal musikklag skipar til kveldstur med korpskonsert på Mjølkeflaten. I år vert konserten tysdag 27. mai.
Konserten startar kl 18:00. Det tek om lag 30 minutt å gå til Mjølkeflaten, som er eit fint turmål like ved Lærdal sentrum.Nytt høvet til å vitja dagsturhytta på Mjølkeflaten. Startpunkt er frå Stødno eller Hedlerbrua.
Det vert natursti med spørsmål for alle med startar frå Hedler kl 17:15.
I år har spørsmål fokus på at Vestnorsk fjordlandskap vart skrive inn på UNESCO si verdsarvliste for framifrå naturverdiar. Lærdal har Bleia Naturreservat, og Bleia – Storebotn landskapsvernområde i verdsarvområde.
Ta med naboen og kom på Mjølkeflaten til ei triveleg samkoma i friluft med både trim, korpsmusikk og fuglesong!
Vel møtt til store og små !
Arr: Lærdal turlag og Lærdal musikklag
Vossadagane
Årets viktigaste møteplass på Voss
Vossadagane er møteplassen der ein løftar blikket og ser det store bilete, og samtidig trekkjer linjene frå det globale og nasjonale til Vestlandet og Voss.
Vintersolfest
Me inviterer til ein «liten folkefest» med underhaldning for liten og stor og ein sosial møteplass der me feirar at det går mot lysare tider. Undredal Ungdomslag inviterer til eit yrande folkeliv i bygdi med aktivitetar på dagtid og sosiale møteplassar på kveldstid med quiz, konsert underhaldning og dans.
PROGRAM
Fredag: Sosialt samvær med Quiz’, åresal 19:30 Undredal Bryggje Gratis inngang
Laurdag: Lavvo og inngjerda område for killingar på campingen 12:00 Servering frå bålpanne, hesteskokasting m.m. til 15:00 Aktivitet og smaksprøvar ved Nærbutikken Underdalsbui
Kveldsprogram: Middag med lokalt kjekjøt og dessert 17 – 19 Undredal Bryggje. Meir info om meny og pris vert kunngjort om ikkje lenge.
Konsert med «Skjemt og alvor» krydra med ein miks av kjende og sjølvlaga songar, høg allsongfaktor. Aktørar: Kristen Olav og Magne Grøttebø, Odd Hagen og Leif Inge Underdal 19:30 Bill. Kr 150,-
Dansemusikk: «Anita & The Amazing Greys» 21:30 Undredal Bryggje Bill pris kr. 250,-
Fellesbillett for konsert og dansemusikk kr 300,-
Matervering: Undredal Bryggje
Overnattingstilbod: Epost: booking@visitundredal.no og få tilsendt info om alternativ.
For å sikre deg billett til arr. med inngangsbillett er det førehandssal på TicketCo https://undredalungdomslag.ticketco.events/no/nb/e/vinter_sol_fest__undredal
Me minner òg om Mini-konferansen «Bygdi, dalen og mulegheitene», som er i Undredal ungdomshus laurdag 22. mars kl 11:00 – 15:30.
Undredal Ungdomslag
Last Tuesday
Tema for dagen: Berekraftsrapportering, ny naturmangfaldsplan og bedriftspresentasjon
Program:
Berekraftsrapportering v/ Azets Consulting
Atle Sandal og Jens Ludvig Haaland frå Azets Consulting kjem for å gi oss eit inspirerande og innsiktsfult innlegg om berekraftsrapporteing: frå compliance til konkurransefortrinn. Her set dei fokus på korleis bedrifter kan gå frå å berre oppfylla lovkrav til å bruka berekraftsrapportering som eit strategisk verktøy for vekst og innovasjon.
Føredraget tek mellom anna for seg:
Introduksjon til berekraftsrapportering: Kva er det og kvifor er det viktig?
CRSD Compliance: Rammeverk, krav og juridiske konsekvensar
Implementering: Praktiske trinn og verktøy for effektiv rapportering
Forretningsmoglegheiter: Korleis berekraftsrapportering kan skapa konkurransefortrinn, driva innovasjon og møta investorkrav
Den nye naturmangfaldsplanen v/ Voss Herad
Klima- og miljørådgjevar i Voss herad, Lina Hamre, tek oss igjennom den ferske naturmangfaldplanen til heradet. Kva retning vil naturforvaltninga ta framover, og korleis vil dette påverke nokre bransjar og bedrifter meir enn andre?
Bedriftspresentasjon: Din Omstilling
Din Omstilling er lokalisert i Odda, og hjelp organisasjonar med utviklings- og omstillingsprosessar. Dei tilbyr tenester innan leiarutvikling, teamutvikling, organisasjonsutvikling, Jungiansk Type Index (JTI) samt teamkompasset.
Velkomen!
Praktisk informasjon:
Når: Tysdag 25. februar kl. 14.00 – 16.00
Kvar: Næringshagens nye lokale i Gondolbygget (inngang via Turistinformasjonen)
Lett servering
Påmeldingsfrist 24. februar kl. 12.00
LivOGLyst – eit program for lokalsamfunnsutvikling i Vestland
Frå Stalheim.
LivOGLyst er eit program for innbyggjarar i Vestland fylke som vil skape nytt engasjement, trivsel og aktivitet i lokalsamfunna sine. Programmet gir kompetanse innan lokalsamfunnsutvikling og økonomisk støtte til mobilisering og aktivitetar.
Søknadsfrist for å verta med i programmet med LivOGLYst-prosjekt er 1. november!
Programmet gir lokalsamfunna og innbyggjarane sjølv moglegheit til å utvikle heimstaden sine til ein betre stad å bu og vere. Dette kan vere eit nabolag, ei bygd eller ein bydel. Gjennom eit LivOGLyst-prosjekt kan de saman skape eit attraktivt og levande lokalsamfunn.
Vil du vite meir? Vestland Fylkeskommune inviterar til eit digitalt infomøte om LivOGLyst-programmet 10.oktober, påmelding og meir informasjon kan du finne her: Informasjonsmøte om LivOGLyst-programmet.
Tema for møtet
Kva bør vere på plass før ein søker om å bli eit LivOGLyst-prosjekt?
Kva er aktivitetane i eit forprosjekt og eit hovudprosjekt?
Kva inneber det å vere ein del av LivOGLyst-nettverket?
Du kan også sende inn spørsmål du ønskjer svar på i påmeldingsskjemaet til informasjonsmøtet.
Kva er eit LivOGLyst-prosjekt?
Eit LivOGLyst-prosjekt vert drive av folk i lokalsamfunnet. Det startar med at innbyggjarar samlast for å utforske korleis dei kan skape noko positivt i nærområdet sitt. Prosjektet skal involvere folk på tvers av alder, bakgrunn og interesser, og det skal mobilisere til dugnad.
Prosjektet startar med eit forprosjekt, der de kartlegg idear og ønske i lokalsamfunnet. Forprosjektet får eit tilskot på 80 000 kr for eitt år. Etterpå kan de søke om å bli eit hovudprosjekt, som får 300 000 kr fordelt over tre år for å halde fram med arbeidet som starta i forprosjektet.
Tilskotet kan brukast til
Prosjektleiing (inntil 50 prosent)
Mobiliseringstiltak og aktivitetar i lokalsamfunnet (t.d. nye møteplassar, arrangement, bygdefestar, folkemøte)
Deltaking i LivOGLyst-nettverket (t.d. reise, opphald, kurs)
Dette kan ikkje få tilskot
De kan ikkje søke tilskot til eit etablert prosjekt, som allereie ser for seg konkrete tiltak eller investeringar. Tilskotet kan heller ikkje gå til større, fysiske investeringar, som t.d. opprusting av samfunnshus, bygging av gapahukar eller badstover. Pengane skal gå til prosjektleiing, aktivitetar, reiseutgifter og små innkjøp.
For meir informasjon om LivOGLyst-programmet, samt krav og kriterium for å søkje, sjå nettsida til Vestland fylkeskommune. LivOGLyst for lokalsamfunnsutvikling - Vestland fylkeskommune
Vandreseminar om skjøtsel og tilrettelegging av historiske ferdselsårer
Vandreseminar om skjøtsel og tilrettelegging av historiske ferdselsårer – Stalheim og Postvegen ved Nærøyfjorden
Program 10. september:
10.00 Oppmøte, registrering, kaffi
11.00 Velkomst og føredrag om norsk veghistorie, ulike typar vegfar, tips og råd i arbeidet med historiske stiar og vegar.
11.35 Beinstrekk med kaffitår
11.50 Føredrag om ulike utfordringar knytt til historiske vegfar i regionen, knytt til attgroing, skjøtsel, tilrettelegging og bruk. Korleis handtere utfordringane konstruktivt?
12.30 Påsmurt lunsj (må bestillast ved påmelding og betalast på hotellet)
13.05 Gåtur i Stalheimskleivi. : Orientering om Stalheimskleivi – historikk, vernestatus, restaureringsprosjektet og skjøtsel. Me ser på konkrete døme på arbeidet som har vore gjort mens me går nedover kleiva. Vidare bruk og vedlikehaldsarbeid er og tema.
• Sivlebautaen
• Paviljongen og Minesvingen
• Stien mot Sivlefossen
• Eldre stitrasé på tilbakevegen til hotellet. (Busskyss tilbake til hotellet ved behov)
16.30 Seminardagen avsluttast ved hotellet
16.30 Suppe
17.30 Omvising i Stalheim Folkemuseum
19.00 Kviletid
19.30 Aperitif og kunstvandring i salongen
20.00 Middag
Program 11. september:
8.45 Oppmøte på kaia i Gudvangen
9.00 Båt til Styvi
9.30 Ankomst Styvi. Orientering om Postvegen og Styvi som postgard, oppretting av
landskapsvernområdet, grunneigaravtaler og restaureringsprosjekt knytt til postvegen.
10.15 Me byrjar å gå postvegen mot Bleiklindi (5 km). Undervegs vert det formidling om skjøtsel og restaurering, tilrettelegging og besøksstyring knytt til postvegen.
13.00 Båtskyss Bleiklindi – Bakka
13.30 Kaffi/ te og lappar i Bakka verdsarvhus (det gamle skulehuset). Orientering om verdsarvhusprosjektet og ulike sider ved skjøtsel og ferdsle knytt til m.a. stølsvegen Rimstigen og «utsiktspunkta» Bakkanosi og Breiskrednosi. Problematikk knytt til parkering og toalett som tilretteleggingstiltak.
14.45 Buss frå verdsarvhuset til Gudvangen
15.00 Pizza på Gamlo
16.00 Avslutting
NB: Det er høve til å vere med på heile arrangementet og overnatte på hotellet, evt berre ein av dagane.
Formidlarar:
Jan Adriansen (Sweco), Bengt Erlend Skjerdal og Snædis L. Bjarnadottir (Nærøyfjorden Verdsarvpark), Marit Anita Skrede (Statens Vegvesen), Anbjørg Nornes og Jorunn Vallestad (Nærøyfjorden verneområdestyre), Trygve Dugstad (Stalheim Hotel), Berit Bruvik Tørrmuring, Svein Tufte (Bakka Grendalag), evt.
Prisar:
-dagsbesøkende dag 1 - gratis seminar inkl kaffi/ te og frukt
Kan kjøpast på hotellet:
Påsmurt lunsj med juice/saft (150,-), ettermiddagssuppe m/ brød (140,-), omvising Stalheim Museum (90,-), kunstvandring i salongen med aperitif (200,-), middag (450,-)
-dagsbesøkende dag 2 - seminaravgift kr. 850,-
inkl båt- og busskyss, bevertning Bakka verdsarvhus og pizzabuffet på Gamlo i Gudvangen (bet pr vipps eller faktura). (Deltakarane må ha med lunsj sjølv.)
-full seminarpakke - kr. 3000,-
inkl. overnatting på Stalheim Hotel, alle måltider, omvising Stalheim Museum, kunstvandring i salongen med aperitif, buss- og båttransport (bet pr vipps eller faktura)
Meld deg på innan 03. september!
Kontaktpersonar:
Anne Arneberg – Voss herad: anne.arneberg@voss.herad.no
Gry Mørk – Nærøyfjorden Verdsarvpark: gry@naroyfjorden.no
Landskapsfest!
Denne helga er det mykje kjekt som skjer på Stalheim! Fredag er det middagsbuffet og utekonsert med Folk Flest. Laurdag er det gjenopning av den historiske Stalheimskleiva og opning av utsiktspunkt ved Sivlesteinen. Søndag blir det tradisjonsrikt Jonsokbryllaup og mykje liv og røre.
Du er hjarteleg velkomen til å vera med på LANDSKAPSFEST!
Feiring på Bakka!
Åpning av Verdsarvhuset på Bakka
Laurdag 15.juni kl 13.00
Det gamle skulehuset på Bakka har fått eit nytt liv. No er det fylt med utstilling om folket som lever og har levd i området, og me er stolte over å kunne vise fram del ein av denne utstillinga. Eit godt samarbeid mellom kommune, grendalag og Nærøyfjorden Verdsarvpark skal feirast denne dagen. Me vonar de har høve til å vere med oss og sjå korleis ein kan ta i bruk gamle bygg og gje dei nytt liv.
De er hjarteleg velkomne til å vere med på opninga av Verdsarvhuset på Bakka, og del 1 av utstillinga der. Me samlast laurdag 15.juni til markering med både talar og underhaldnig.
Program:
Opning v/David Underdal
Snorklipping v/Svein Tufte
Tale v/Gro Nesse-Bremer
Blomsterutdeling v/Snædis Bjarnadottir
Tale v/Erling Oppheim
Kaffi, kaker, bobler og drøs. Høve til å sjå utstillinga. Arrangementet går føre seg ute, så hugs høvelege klede i forhold til veret!
VELKOMEN!
Søknadskurs med Sparebankstiftinga
Søknadskurs med Sparebankstiftinga
Sparebankstiftinga Sogn og Fjordane deler ut gåver av overskotet frå Sparebanken Sogn og Fjordane, og alle typar allmennyttige tiltak kan bli tildelt gåvemidlar.
Våre søknadsfristar for ordinære gåver er 1. mars og 1. september kvart år.
I framkant av søknadsfristen 1. mars 2024 inviterer Sparebankstiftinga til kurs i søknadsskriving.
Kurset er tilpassa lag og organisasjonar som skal søkje midlar til si verksemd, og tar for seg korleis ein søknad om midlar bør sjå ut; anten ein har tenkt å søkje gåvemidlar frå Sparebankstiftinga eller andre tilskotsordningar.
I tillegg vert det høve til å møte stiftinga sin administrasjon på dagtid kursdagen/-staden, om du ønskjer råd og innspel knytt til gåvesøknader. Nedanfor finn du informasjon om kursa og korleis du avtalar møtetid.
KURSPLAN
Onsdag 24. januar 2024 – Stryn
Stryn, Sparebanken Sogn og Fjordane sine lokale.
Kl. 18.00-20.00
Måndag 12. februar 2024 – Dale
Dale, Sparebanken Sogn og Fjordane sine lokale.
Kl. 18.00-20.00
Måndag 19. februar 2024 – Florø
Florø, Sparebanken Sogn og Fjordane sine lokale.
Kl. 17.30-19.30
Torsdag 22. februar 2024 – Førde
Førde, Sparebanken Sogn og Fjordane sine lokale.
Kl. 18.00-20.00
Måndag 26. februar 2024 – Sogndal
Sogndal, møtelokale v/ Sogningen Storsenter
Kl. 18.-20.00
Ønskjer du eit møte med stiftinga?
Send førespurnad per e-post til; yngve.thorsen@sparebankstiftinga.no
Har du spørsmål – kontakt Sparebankstiftinga Sogn og Fjordane v/ Yngve Thorsen
E-post; yngve.thorsen@sparebankstiftinga.no
Tlf. nr.: 90 80 25 75
Vel møtt!
Næringskveld for bønder med tema: Landbruk - styreform, økonomi og utvikling
Synes du det er vanskeleg å veta kva som vert riktig å velge? Då kan det vere kjekt å koma på denne næringskvelden!
Sognefjorden Næringshage og Felles Landbrukskontor ÅLA arrangera næringskveld!
Stad: Kommunestyresalen, rådhuset i Lærdal
Når: 14. februar klokka 18-21
Tollefsen advokater fortel om kva slags styreform som lønar seg innan landbruket
Informasjon om finansieringsordningar for dei som ynskjer å satsa på tilleggsnæring innan landbruk
Velkomen til ein informativ kveld med fagleg påfyll og sosialt samvær.
Me stiller med kaffi og noko attåt!
Påmelding innan 06.02.2023 til beate.stolen@laerdal.kommune.no
Med atterhald om endring i programmet!
Kurs i tilskotssøking
Velkomen til dag- og kveldskurs i tilskotssøking 14. februar i Aurland!
Kvart år vert det fordelt 70 milliardar til kommunar, næringsliv og frivillige organisasjonar! Og me ynskjer at ein større del av kaka vert tildelt prosjekt i Aurland kommune!
Aurland kommune arrangerar kurs i tilskotssøking med Anders A. Vik 14. februar. Kursa er gratis og opne for alle!
Kurshaldar Anders A. Vik har spisskompetanse på tilskotsordningat, og har sidan 2006 hatt kurs for over 180 kommunar og organisasjonar i heile landet. Med sitt kreative fokus tenkjer han utradisjonelt, både i sjølve søknaden og kvar ein kan søke midlar frå. Han er kjend for sin lette og kreative tone og form. Han har sjølv vorte nytta i søknadsskriving for ulike kommunar og organisasjonar. Me gleda oss til besøk og inspirerande kurs i Aurland.
På kursa vil ein blant anna læra meir om korleis ein finn fram i tilskotsjungelen, korleis tenkje nytt og utanfor A4-boksen. Korleis få innsyn i andre sine søknader og litt om internasjonale tilskotsordningar.
Forresten, er du klar over at det berre i Norge er 6 245 stiftingar som gjev vekk gåver for 6 milliardar kroner?
Det vert arrangert to kurs:
Kl 12.00-15.30 er spesielt retta mot kommunale einingar, næringsaktørar, matprodusentar, reiselivssatsingar og alle andre!
Kl. 18.00-20.30 er spesielt retta mot frivillige lag og organisasjonar, næringsaktørar, idrettslag, kor og musikklag, og alle andre!
Begge kursa skal vera i kommunestyresalen på Rådhuset i Aurland.
Alle som deltek får tilgang til elektronisk kurskompendium.
Påmeldingsfrist 12. februar. 2024
Meld deg på til Linn-Janette Underdal Skarsbø
på e-post linn.janette.underdal.skarsbo@aurland.kommune.no
eller sms: 959 84 647
Sjå bilde for meir informasjon om kurset!
Kurshaldar:
BOJL.NO v/Anders A. Vik
Mobil: 926 34 131
Anders.vik@bojl.no
Velkomen til Parkmøte, temadel og dialogmøte 2023
Arrangørar: Nærøyfjorden Verdsarvpark og Nærøyfjorden verneområdestyreVær oppmersam; påmelding innan 23.november til erling@naroyfjorden.no
Del 1: Parkmøte
09.30: Oppmøte og registrering.
10.00: Velkomst og kort innleiing ved:
David Underdal, styreleiar i Verdsarvparken.
Erling Oppheim, dagleg leiar Verdsarvparken.
10.15: Kort om prosjekt og tiltak gjennomført så langt i 2023
10.45: Revisjon av Parkplanen ved prosjektleiar Sogn Naturforvaltning.
Presentasjon av planprosess og felles arbeidsøkt.
12.30: Oppsummering av revisjonsarbeidet
12.50: Val av medlemar (repr. parkpartnarane) til Parkstyret ved valnemnda.
Felles lunsj 13.00 - 14.00:
Del 2: Felles temadel
14.00: Velkommen
Trygve Skjerdal, leiar i verneområdestyre
14.10 Helsing
Liv Signe Navarsete, Statsforvaltaren i Vestland
14.15: Byggeskikk og kulturmiljø som ein del av landskapet
Inga Lindstrøm, Fylkeskommunen i Vestland
15:00: Reaksjonar på ulovlege tiltak i verneområdet
Trond Flydal, Miljødirektoratet
15:45: Spørsmål og innspel frå salen
Del 3: Dialogmøte
Nærøyfjorden verneområdestyre og rådgjevande utval
16.00: Orientering om saker og tiltak i verneområdestyret i 2023
16.30: Innspel til tiltaksplanen for 2024
Verktøykveld og slipekurs
Har du interesse for gamle verktøy og reiskapar?
Høgdegarden Hovland Gard på Vangsnes held open verktøykveld i oktober i samarbeid med Fortidsminneforeningen Sogn lokallag og Nærøyfjorden Verdsarvpark.
Denne kvelden blir det høve til å studere og diskutere gamle verktøy og reiskapar frå garden. Har du sjølv noko liggjande heime, som du ynskjer å vise fram eller som du lurer på kva er? Ta det gjerne med hit.
Eirik Tistel frå Tistel Gard i Vik blir med denne kvelden og gjev ei innføring i sliping med både slipestein og bryne. Har du gamle verktøy som treng å slipast, så kan du ta dei med.
Vel møtt til ein hyggeleg haustkveld på Hovland Gard!
Praktisk informasjon:
Inga påmelding
Arrangementet er gratis
Ha med varme klede
Enkel servering
Kontaktperson:
Gry Mørk - tlf 95141438
e-post: gry@naroyfjorden.no
Kurs i sliping av gardsreiskap
Foto: Christian Olai Hegglund
Har du lyst å lære om gamle gardsreiskap og korleis å slipe dei?
I samband med Økoveka – 23 arrangerer me eit innføringskurs i sliping av gamle verktøy på Framigarden i Flåmsdalen, med Terje Hilstad som formidlar. På kurset blir det litt teori og historikk, gjennomgang av gamle gardsreiskap, demonstrasjon av sliping på slipestein.
Ein får høve til å prøve å slipe sjølv. Ta gjerne med eigne reiskap som treng og slipast, som ljåblad, økser, snidlar, evt. anna.
Enkel servering.
Kurset er gratis.
PRAKTISK INFO:
Parkering og oppmøte: ved Flåm kyrkje
Bekledning: varme klede, som toler litt søl
Påmeldingsfrist: 23. september
Kontaktperson: Gry Mørk tlf. 95 14 14 38, e-post: gry@naroyfjorden.no
NB: Begrensa med plassar!
Kurs i bygging av naturleikeplass
På kurset får du lære korleis å lage naturleikeplassar på naturen og ungar sine premissar, og korleis dette kan gjerast med enkle og rimelege hjelpemidlar.
Du lærer om ulike typar trehusker og karusellar, zipline, klatreveggar, hytter mm. Friluftsakademiet har med alt av utstyr ein treng til bygginga.
Kurset tek utgangspunkt i bøkene “Lag ein naturleikeplass” og “Endring med natur - i barnehage og skole”, som byggjer på Norsk standard for leikeplassutstyr.
Kursinstruktør Tor Egil Bagøien frå Friluftsakademiet har hatt mange kurs landet over med fokus på nærnatur og bygging av naturleikeplassar. Han har og lang erfaring frå undervisning i barnehage- og lærarutdanning.
Sjå også: www.friluftsakademiet.no
Det blir delt ut kursbevis etter fullført kurs.
Praktisk informasjon:
Kursavgift: kr 1200,- inkl varm lunsj og drikke
Påmeldingsfrist: 01.september 2023
Kontaktperson: Gry Mørk tlf 95141438, epost: gry.b.moerk@gmail.com
Laurdag 9.september 2023, Draumeplassen, Flåm
Kursarrangør: Draumeplassen i samarbeid med Nærøyfjorden Verdsarvpark
Kurset er støtta av Sogn Sparebank
Kulturhistorisk vandring på Bakka
Vi markerer Kulturminnedagane 2023!
Her får du moglegheita til vere med dei som kjenner Bakka best og lære om busetnads- og gardshistorie, om husmenn og endringar i landbruket opp gjennom hundreåra og fram til i dag.
Vi går først ein runde med gardbrukar Svein Tufte frå Borgen Gard, gjennom dei bratte bøane over garden hans og nedom strandsitjarmiljøet ved fjorden. Så tek vi ein stopp i tunet til Dyrdal Gard og Camping, der Olav Magne og Katrine Dyrdal møter oss, og vi får høve til å sjå det eldgamle eldhuset på garden. Vandringa blir avslutta med besøk i kyrkja frå 1859.
Grenda Bakka ligg i ein majestetisk og kraftfull natur, verna som landskapsvernområde og på verdsarvlista til UNESCO som blant dei viktigaste naturområda i verda. Dette får du og høyre meir om denne dagen. Det blir høve til å kjøpe kaffi/ te og noko å bite i, elles er turen gratis.
PRAKTISK INFO:
Vanskegrad: lett
Oppmøte: skulehuset
Parkering på: tilrettelagte p-plassar
Kan ha med: vasstett skotøy
Kontaktinformasjon:
Gry Mørk – tlf. 95 14 14 38, e-post: gry@naroyfjorden.no
Gratis kurs i vindaugsrestaurering
På kurset får du lære praktisk vedlikehald og reparasjon av gamle vindauge: Demontering, fjerning av gamal kitt, restaurering av hengslar og beslag, skjæring av glas, overflatebehandling, gjenoppbygging. Ein får og innblikk i restaurering av treverk.
Kursobjekta er vindauga i det gamle skulehuset på Borgund, (vis a vis Nærbutikken). Huset skal setjast i stand gjennom kurs og opne som vedomnbakeri neste år. Det er fint om kursdeltakarane har med eigne reiskapar, om ein har det. Liste over aktuelle reiskapar vert sendt ut før kurset.
Det blir sosial kveld på puben på Borgund laurdag kveld, for dei som vil vere med på det.
NB: Kurset er gratis, i og med at det ikkje er høve til å ta med eigne vindauge til restaurering på dette kurset, og inkluderer mat og drikke under kursdagane. Evt. overnatting må deltakarane betale sjølv.
Instruktør: Anders Slinning, 28 år, bur i Sogndalsdalen. Han har bakgrunn frå Ornes Båtbyggeri og har oppretta eige snekkarfirma som er samlokalisert med Solvorn Laft og Bygg. Han har erfaring med restaurering av gamle vindauge, m.a. frå Stedje kyrkje i Sogndal og Munthe-huset i Luster.
PRAKTISK INFO
NB: Det er plass til 8 deltakarar, så førstemann til mølla!
Kurset kan verte avlyst om færre enn 4 deltakarar melder seg på.
Påmelding innan 5.juli til: Nærøyfjorden Verdsarvpark tlf. 95 14 14 38, e-post: gry@naroyfjorden.no
Tid: 08. - 09.juli 2023 Kl. 10.00-16.00 begge dagar.
Fagdag om biologisk mangfald
Fagdag om biologisk mangfald - vandring langs fjorden til Stokko
Tid: 5. juli 2023
Stad: Oppmøte ved nærbutikken i Undredal kl 12.30
Med oss på markdagen vert biolog Geir Gaarder. Han er godt kjend i området her, og har stor kunnskap om artsrikdomen me finn lags ruta til Stokko.
På turen vert det fleire stopp, for å sjå på dei ulike lokalitetane me passera. Det meste område me vandrar i, ligg i Nærøyfjorden landskapsvernområde.
På Stokko er det slåttemarker, og eit av temaene me tek opp her, er kva som er den beste måten å hauste dei artsrike engene på. Både med tanke på fôrkvalitet og på haustetidspunkt.
Litt info om Stokko:
Område langs fjorden frå bygdi Undredal til Stokko har vore nytta til slåtteteigar i lang tid. Det var, og er, avgjerande for husdyrhaldet for bøndene i Undredal å haust fôr i dette område.
Den langvarige bruken av område til slått, har ført til at artsrikdommen i slåttemarkene er stor. Me finn mange artar her av blomster og gras, og det er stor artsrikdom av insekt.
Bruken av område, har ført til mange spor i landskapet av både bakkemurar og steinopplegg. Og det er bygd opp fleire løer i område.
I dag er turen frå Undredal til Stokko mykje nytta til turgåing, og langs fjorden er det mange som går i land for overnatting. Samspelet mellom friluftsliv, turgåing, verneområde, biologisk mangfald og det aktive landbruket er her omfattande.
Meir info om Stokko kan du lesa her: UNDREDAL-STOKKO I NÆRØYFJORDEN LANDSKAPSVERNOMRÅDE SKJØTSEL AV SLÅTTEMARK MED BLODDRÅPESVERMERE (nasjonalparkstyre.no)
Det vert enkel servering på Stokko.
Vel møtt til ein lærerik, inspirerande og triveleg fagdag.
Påmelding til beate.stolen@laerdal.kommune.no seinast 1.juli
Arr:
Verneområdestyret i Nærøyfjorden
Felles Landbrukskontor ÅLA
