Jurien har talt, vinnaren av fotokonkurransen "Å leva med Verdsarven" er......
Brita Underdal frå Undredal er vinnaren av fotokonkurransen«Å leva med Verdsarven»
Fotokonkurransen vart lyst ut sommaren 2015 i samband med 10 års-jubileet for verdsarvstatusen til Vestnorsk fjordlandskap. Vilkåra for konkurransen var at bileta skulle reflektera temaet «Å leva med verdsarven», fotografiet skulle vera frå delområdet Nærøyfjorden – altså frå ein av verdsarvkommunane, Vik, Voss, Lærdal eller Aurland. Kvar deltakar kunne delta med tre bilete kvar.
- Juryen vart svært imponert over kvaliteten på bileta som vart sendt inn. Det kom inn over 100 bilete som synte korleis folk ser og opplever det å leva med verdsarven, seier parkforvaltar Linn-Janette Underdal Skarsbø.
Om vinnaren:
Brita Underdal er 25 år og kjem frå Undredal. Ho går for tida på landskapsarkitektur ved Universitetet for Miljø og Biovitenskap på Ås. Ho er oppvaksen på geitegard i Undredal.
Juryen:
I grunngjevinga skriv juryen følgjande om fotografiet:
«Biletet «Bukkahenting» er ein klar vinnar med sitt harmoniske og gode uttrykk. Biletet fangar ei kvardagsleg arbeidsoppgåve for bønder i verdsarvområdet, og er godt komponert.»
Premie:
Vinnaren får eit gåvekort frå Aurland Sparebank på 3000 kroner, i tillegg til eit reisestativ for kamera til ein verdi av 1199 kroner frå Fotograf senderud på Voss.
Andre og tredje plass:
Nr. 2. Gøran Johansen, «Undredalen». Juryen om biletet: «Spennande komposisjon. Spenstig uttrykk. Kreativt.»
Nr. 3. Kari Mørkve Jordalen, «Villfarne sauer i Jordalstunellen». Juryen om biletet: Godt bilete, tatt frå ein spennande vinkel og med god djupn.”
