Det er vår, og me nyt solrike dagar og angen av jord. Samstundes ser me spor i naturen etter oss menneske som me ikkje vil ha der. Difor samlar me gode krefter til ein skikkeleg ryddedag i området vårt!

Tysdag 2. mai arrangerer Nærøyfjorden Verdsarvpark ryddedag langs dei to verdsarvfjordane våre, Aurlandsfjorden og Nærøyfjorden. Torsdag 4.mai er det i Fresvik det skjer og Feiosingane gorde sin insats 21. april.

Dette gjer Parken i samarbeid med verneområdeforvaltar, SNO, Aurland kommune, næringsliv og skulane i Aurland, Fresvik, Feios og Flåm. 

Me vonar at eit breitt samansett dugnadslag vil gi auka kunnskap hjå mange brukargrupper og at ringverknadene kan bli positive med det resultat at vi får mindre søppel langsmed strendene. Skuleelevane vil plukke søppel over store område denne dagen – me ber om at de tek godt imot dei!

Den fantastiske naturen me bur i treng hjelp – så om du har tid og lyst er du hjarteleg velkomen til å gjere ein innsats  i nabolaget ditt. Få med deg sjefen din og kollegaer og rydd  i området rundt arbeidsplassen dykkar, og ta med deg søppel langs ruta du likar å vandre på tur!

Samarbeidsaktørane