Nyhendearkiv

Ny partnar i Verdsarvparken - IL Modig

Ny partnar i Nærøyfjorden Verdsarvpark er idrettslaget frå Fresvik, IL Modig. Me ynskjer velkomen som partnar, og ser fram til eit godt samarbeid.

Parkmøtet 2010

Program for parkmøtet er no klart. Last ned her .Påmelding snarast og seinast innan 27 april til: erling@naroyfjorden.no eller tlf. 95 17 25 95.

Vel møtt !

 Ny partnar i Verdsarvparken - Stalheim landskapspark

Frå og med 15.april er Stalheim Landskapspark partner i Nærøyfjorden Verdsarvpark. Stalheim Landskapspark er del av Fylkesmannen i Hordaland sitt landskapspark-prosjekt. Me Ynskjer Stalheim Landskapspark velkomen som partnar og ser fram til eit godt samarbeid. Les meir om Stalheim Landskapspark her.

Ledig prosjektleiarstilling i Verdsarvparken

Nærøyfjorden Verdsarvpark planlegg å få utført kartlegging over, samt ein helskapeleg plan for restaurering og bruk av verneverdige bygningar og bygningsmiljø i Nærøyfjordområdet, det sørlege delområdet av Vestnorsk Fjordlandskap. Til å ta hand om dette arbeidet treng vi ein kompetent personressurs i ei deltidsstilling over ein periode på om lag to år. 

Les meir om stillinga her.

Parkmøtet 2010

Dato for neste parkmøte er sett til torsdag 29.april, kl 10:00-15:00. Stad: Fretheim Hotell, Flåm. Meir informasjon kjem i nær framtid.

I byrjinga av februar starta Magnus Wammen opp i jobben som restaureringshandverkar i Nærøyfjorden Verdsarvpark. Magnus har over fleire år bygt seg opp kompetanse innan variert restaureringsarbeid. Ved sida av å vere utdanna tømrar, har han fleire kurs i restaureringsarbeid og har elles mykje arbeidsrøynsle innan feltet.

Les meir

Åreleiken 2010

Etter ein pause på to år er arrangementet Åreleiken tilbake. Åreleiken blir i 2010 arrangert av Dee Cunningham og Hege Strømme i samarbeid med Statens Naturoppsyn og Nærøyfjorden Verdsarvpark. Åreleiken blir i år 25. og 26. juni. Les meir om arrangementet under "Opplevingar" i menyen til venstre.

Parkforvaltaren vår innan kulturminne og formidling går ut i permisjon i byrjinga av april. Me har difor ledig vikarstilling innan arbeidsfeltet, med ønskje om snarleg tilsetjing.

Les meir

Aktivtetskalendaren er oppdateret

Aktivitetskalendaren vår er no oppdatert med kursprogrammet til Sogn Jord- og hagebruksskule for dei kommande tre månadane,
Me ynskjer å samle flest mogleg aktivtetar og kurs i kalendaren, og håpar derfor partnarane våre kan tipse oss om fleire arrangement og aktivtetar.

Vik Turlag sitt turprogram for 2010

(Foto: Anne Marie Bøtun Øyri)

Vik Turlag har no kunngjort turprogrammet for 2010. Turprogrammet og informasjon om turlaget finn du her.

Parkplanen er vedteken

Parkplanen for Nærøyfjorden Verdsarvpark er no vedteken. Parkplanen vert styrande for parken og partnarane sitt forpliktande samarbeid og samvirke kring den langsiktige satsinga på å utvikle samt ivareta verdiane i verdsarvområdet. Planen skal rullerast innan 2-år. Parkplanen kan lastast ned her: del 1 og del 2 .

Ny partnar i Verdsarvparken

Otternes bygdetun er no partnar i Verdsarvparken. Otternes er eit levande gardstun der det over mange år har blitt utført omfattande restaureringsarbeid. Aktivitet og bruk av restaurerte bygningar vert vektlagt i drifta av Otternes.

Me ynskjer Otternes bygdetun velkommen som partnar.

Nærøyfjorden Verdsarvpark er glade for å kunne meddele at Magnus Wammen frå Vestfold har takka ja til stillinga som restaureringshandverkar i Verdsarvparken. Wammen vil tilføre parken ein allsidig restaueringsfaglig kompetanse.

Les meir

Engasjert parkmøte

Torsdag 5.november vart det halde arbeidsmøte for partnarane i parken der parkplanen var emne for diskusjon. Ein engasjert møtelyd kom med gode tilbakemeldingar som vil vera nyttige i det vidare arbeidet. Parkplanen vil bli eit sentralt dokument for det vidare arbeidet i Nærøyfjorden Verdsarvpark.

Ny partnar i Verdsarvparken

Sogn Jord- og Hagebruksskule har no teikna parterskapsavtale med verdsarvparken. Me ser fram til eit godt samarbeid !

Stend VGS på studietur i Nærøyfjorden

I veke 42 vitja elevar frå Stend vidaregåande skule Nærøyfjorden. I Undredal laga grendalaget eit innhaldsrikt opplegg for elevane, med både ein teoretisk og ein praktisk del. I samarbeid med verdsarvparken og Statens Naturoppsyn vart tirsdagen vart nytta til prakitsk arbeid på Stokko. Med stor innsatsvilje tok  elevane del i å halde kulturlandskapet i hevd.

Klikk på bilete for å gå til galleri

Den 23. september – på ein av dei mange regntunge dagane denne hausten – var Åsmund F. Dale og Gry Mørk (Verdsarvparken) på veg oppover Rimstigen på Bakka i lag med Christoffer Ullern Hansen (SNO), Svein Tufte (grunneigar og leiar for Bakka grendalag) og to nepalesiske murarar (tilsett hjå Geir Vetti på Skåri i Luster). Intensjonen med turen var å få teke opp att arbeidet på Rimstigen, som tidlegare i haust vart starta opp av ein entreprenør i eigen region. Muring i eit så krevjande terreng som Rimstigen – som ikkje akkurat vart mindre krevjande i det ”evigvarande” regnværet som gjorde bakketilhøva sleip og glatt – fordra spisskompetanse i tørrmuring. Me var trygge på å at vi hadde funne denne kompetansen i dei skjerpaene som me no hadde me oss opp Rimstigen.

Les meir

Den kulturelle spaserstokk

Voss kommune vert for 3. gong tildelt midlar frå Kultur- og kyrkjedepartementet til Den kulturelle spaserstokk. Les meir om saka her.

Utlysing av kommunale kulturmidlar i Voss

Det er no høve til å søkje på kommunale kulturmidlar i Voss. Søknadsfrist: 20.10.09. Les meir om saka her. 

Stalheimskleiva skal utsiktsryddast

Voss kommune har fått statlege midlar til utsiktsrydding langs veg. I Voss er utsiktsrydding i Stalheimskleiva høgst prioritert. Arbeidet er eit samarbeid mellom kommunen, Stalheim Landskapspark og Statens Vegvesen. Les meir om saka her.

Stilling ledig som kommunal kulturformidlar

Aurland kommune har ledig ei innhaldsrik og utfordrande stilling som kulturformidlar frå 01.01.2010.

Søknadsfrist: 20.oktober 2009. Leis meir om saka her. 

Nærøyfjorden Verdsarvpark held nytt bygdevertkurs 2009-2010. Framleis vil formidling av lokal natur, kultur og historie vera sentralt med førelesarar som Inge Åarseth (geologi). James Carter (interpretasjon med vekt på Flåmsdalen), Leif Hauge (kulturlandskap og botanikk i Verdsarvområdet) og Svein Indrelid (historie og arkeologi). Kurset går over fleire dagar på ulike stedar i Aurland kommune.

Les meir

Ledig stilling som restaureringshandverkar

Nærøyfjorden Verdsarvpark skal utvide staben som lekk i ei styrka kulturminnesatsing. Me søkjer difor etter ein allsidig handverkar med restaureringsfagleg kompetanse. For full utlysingstekst klikk her.

I september vert Kulturminneåret markert i Vik med to arrangement. Fossekrafta si soge i Vik kommune er tema på sundagsseminaret den 13., og 30. september går eit stort dagsseminar om kulturminne og bygdeutvikling av stabelen.

Les meir

Velkomen til Smak Sakte-festival!

Smak Sakte-festivalen 2009 i Aurland er igang. Den varer frå 26.09.-04.10. Program og meir informasjon om festivalen finn du her.

Grøn gardsbutikk på Voss Jordbruksskule

Laurdag 29. august startar gardsbutikken på jordbruksskulen på Voss opp på nytt. No vert det satsa på kortreiste, økologiske varer i butikkhyllene. Les meir om saka her.

Stalheimskleiva Opp

Det er duka for motbakkeløp i Stalheimskleiva laurdag 29. august, for andre år på rad. Løpet startar 16.30 og om kvelden vert det underhaldning og sosialt lag oppe på Stalheim. For meir informasjon om arrangementet, kontakt Stalheim Landskapspark ved prosjektleiar på 40 47 64 14. Sjå elles her.

Kulturminnedag på Borlo bygdetun på Borgund

Kulturminneåret vart i Lærdal feira 30. august gjennom kulturminnedag på Borlo bygdetun på Borgund. Over 300 personar kom innom tunet denne dagen, som hadde noko å tilby både store og små. Les meir arrangementet her.

Den nydelege seinsommarmorgonen 05. august var Gry Mørk og Åsmund Finsrud Dale i Nærøyfjorden Verdsarvpark på veg opp Jordalen og vidare til Fresvikjordalen. Me skulle gå Jordalsvegen, den gamle stølsvegen mellom Fresvik og Jordalen, for å sjå på Fresvikvarden og ein mur i Tundalen.

Les meir

Aurlandsmarsjen 2009

Aurland kommune og Aurland Røde Kors arrangerar i år Aurlandsmarsjen søndag 26.juli. For nærare informasjon klikk her .

Geitostfestivalen i Undredal blir arrangert 31.juli til 2.august. Kom til Undredal og opplev folkeliv, variert musikk, lokal norsk kultur og tradisjonar i fint samspel med irsk folkemusikk og dans, bulgarske kulturinnslag og eit stort utval i geitost og mykje god mat.

Les meir

Njardar Vikinglag inviterer til Vikingmarknad i Gudvangen den 17. - 19. juli. Arrangementet kan tilby eit rikt og variert program - sjå nettsida www.njardar-vikinglag.no for nærare omtale.

Les meir

Søndag ettermiddag og kveld vert det tradisjonsrik og livlig 17. mai feiring på Otternes frå kl. 17 og utover kvelden.

Les meir

Nærøyfjorden Verdsarvpark, Aurland Næringshage og Aurland Naturverkstad har inngått intensjonsavtale med Aurland kjøle- og fruktlager og utvikling av kjølelageret om området ikring.

Les meir

I alt fire restaureringsprosjekt i Aurland kommune har fått tilsagn på søknader om tilskot til restaurering frå Norsk Kulturminnefond denne søknadsrunden.

Les meir

Storehaugen opp 2009

Friidrettsgruppa i Lærdal IL arrangerar Kristi himmelfartsdag motbakkeløpet Storehaugen opp. Les meir på storehaugenopp.com

Parkmøtet 2009

Referat frå parkmøtet er no tilgjengeleg. Klikk her for å laste ned.

Åsmund Dale frå Flåmsdalen har takka ja til stillinga som parkforvaltar i Nærøyfjorden Verdsarvpark,

Les meir