BYGD, GREND OG GARD

Der naturen ligg til rette for det, på stader langs fjorden og i dalføra, finn vi bygder, grender og gardar der det har budd folk i lange tider. Nokre av bygdene er i dag bærekraftige, moderne samfunn med fast busetnad, medan andre har vorte fråflytte. Desse har gjerne fått ein ny bruk gjennom turisme og friluftsliv. På kvar sine vis gjev bygdene oss eit innblikk i korleis fjordlandskapet styrer og legg tilhøva til rette for bestemte næringsformer og busetnad.