Høgfjellet er blant dei viktigaste rekreasjonsområda, og er mykje nytta både

sommar og vinter, i form av ski- og fotturisme, jakt og fiske. På fjordane er både

kajakkar, kanoar og robåtar i bruk.

I området finst det ei mengd turar både for dei som ønskjer lette gåturar,

dagsutflukter eller skikkelege langturar. Både Verdsarvparken og Den norske

Turistforening (DNT) har merka mange flotte turruter i området. I tillegg går

ei rekke stølsvegar som er lette å følgje, gjerne med varding på fjellet, inn i

området.

Moglegheitene er størst innan uorganiserte turar, men nokre organiserte turar

vert arrangert kvart år. Ein turkalender er å finne på nettsida til Nærøyfjorden

Verdsarvpark.

Naturlege høgdepunkt i parkområdet

• Utsikten frå Prest i Aurland
• Rasteplassen Stegastein på Aurlandsvegen mellom Aurland og Lærdal
• Fjellet Beitelen som skil Nærøyfjorden og Aurlandsfjorden
• Bakkasundet i Nærøyfjorden
• Fresvikbreen
• Utsikta frå toppen av Stalheimskliva
• Fjellet Bleia mellom Aurlandsfjorden og Sognefjorden

Organiserte turar

• Verdsarvturen på Rimstigen
• Kongevegmarsjen på postvegen frå Bleiklindi til Styvi
• Aurlandsmarsjen i Aurlandsdalen
• Den norske Turistforening (DNT)
• Stigen gard og Turer
• Sivle gard
• Dyrdal gard
• Åreleiken
• Kystled Nærøyfjorden
• Båtturar knytt til Kysten sin dag

Nokre av dei fine turrutene

• Aurlandsdalen
• Rallarvegen i Flåmsdalen
• Dei historiske vegane Vindhellavegen, Seltåsen og Sverrestigen -alle mellom Husum og Borgund stavkyrkje i Lærdal
• Øvsthusdalen frå Stalheim
• Ljosanddalen frå Mjølfjell
• Ljosdalen frå Flåm
• Jonadalen frå Undredal
• Vegen frå Engi i Fresvik, om Fresvikbreen til stølsdalen Fresvik-Jordalen
• Den gamle stølsvegen til Rimstigen med startpunkt på Bakka i Nærøyfjorden